2010年10月14日 星期四

ST戀?


分享這篇文章
本想說說千嬅演唱會,但阿Sa同William拍拖這新聞太令人意外,不得不說。
此消息一出,最多人討論「單嘢堅定流?」,今次我決定問下關人隱士,睇下佢知唔知。
女人有時真係抵唔住頸要出聲,你當我哋傻架咩?
我:關生,「Sa霆戀」你點睇?
關:聽知情人士講,條橋係阿哥諗出嚟,之前W最紅嗰時咪係同ab一齊嗰陣囉,分手之後人氣都唔係幾掂,睇佢微博得8萬幾人就知咩事,人哋周柏豪都成21萬幾啦!而且W喺內地冇乜人識,搵S帶一帶佢,谷一谷,人氣咪升到囉。

我:又係喎,依家W粉絲去到12萬幾,幾日之內升咗4萬,之前佢出一條文得幾十人回,依家有幾百人、甚至幾千人回應呢~
關:呢啲計真係萬試萬靈㗎話你聽!不過要有其中一邊紅先得,如果唔係盞攬炒。

我:但啲雜誌好似好多料,好多證據證明係真喎...
關:梗係夠晒相俾你哋登,夠晒料俾你哋寫先出架!邊得嚟咁啱一齊去大陸開騷先得架!仲有之前有job一齊做,好似edit刀s,又一齊搞生日會,又拍MV..
有冇人覺得William個樣愈來愈似黃曉明?下巴問題?
我:但咁高調拍拖,會唔會驚啲fans唔鍾意㗎?
關:點會!你睇下千fa同老公不知幾得人歡心,你估仲係舊底唔俾偶像拍拖嘅年代咩!依家W極力做一個好男人形象,好殺食㗎話你聽。仲有勁多著數,兩個人拍拖,成間公司啲藝人上報,每人祝福一句都夠做A2、3啦!仲有呀,情侶檔搵銀先最和味!之後次次出嚟都問戀情,點都見下報,都咪話唔歡喜!

我:咁又係...
關:平時佢哋公司,有咩戀情都係死唔認,S連結婚都係到離婚一刻先認,今次拍3個月就咁高調,好可疑,正如校長嗰句「係咪博宣傳咋!」。同埋呀,銀行借錢俾你都睇你信貸紀錄啦,你男朋友成日講大話,你都好難再信佢啦,係咪先!

我:如果唔係一齊,又咁張揚認,咪搵唔到真愛囉?
關:啦,其實件事都有可能係真嘅.....
我:咁你講晒啦...神又係你,鬼又係你!!!
關:聽埋先啦,前幾日我先撞到另一位隱士,話S真係勁,中學時期同佢一個同學拍拖,之後成班朋友差唔多輪住拍過晒,睇嚟佢都係一直有仔,桃花旺盛,所以就算同W一齊都唔奇呀。仲有呀,我剛剛見到ab喺微博度回咗句「你真的信他們只有3個月嗎?」,之後又刪咗,好似俾人搶仔咁款喎...
我:咁即係點!!!
關:之前呀,我又撞到一位有地位隱士,佢實牙實齒話HXM係gay㗎,ab只係夾,互幫大家打市場㗎咋!
我:又係夾?!
關:係呀!真係好多夾㗎,呢排咩HMC偷嗒嫩男,都應該係夾,條底褲連牌子都睇到啦,近到呢...講來講去,都係為錢、名氣,你唔信就算啦!

之後隱士就嬲爆爆地走了。

以上關人隱士所言,與本人無關,bye!^^

P.S. 之前提過《Sports Champions》中有個角色很像古明華,現在補回照片。
係咪得我一個覺得似咋?

沒有留言:

張貼留言

Related Posts with Thumbnails